புகைப்பட க்விஸ்

மேலே உள்ள புகைப்படங்களை கவனமாக பாருங்கள். இவை எந்த திரைப்படங்களை சேர்ந்தவை?

சிற்றிடை என்பது முன் அழகு, சிறு நடை என்பது பின் அழகு...

அமெரிக்க அதிபர் ஒபாமா சமீபத்துல இத்தாலி வந்தப்போ ஒரு குட்டியோட பின் அழகுல கொஞ்சம் மயங்கிட்டாரு.அதை பக்கத்துல இருந்த பிரான்ஸ் அதிபர் சர்கோசி பாத்துட்டாரு. இதை அமெரிக்கா/பிரான்ஸ் பத்திரிகை கூட பெரிசு படுத்தலை.ஆனா நம்மூர் NDTV, ஒரு நாளைக்கு பத்து முறை ஒளிபரப்புது. பாவம், அவருக்கு இருக்கற எவ்வளவோ பிரச்சனைக்கு நடுவுல ஒரு சின்ன சந்தோஷம். வுடுங்கப்பா.. ஆந்திரால தெலுங்கு தேசம் எம்.பி ஒருத்தர் போன வாரம் அவர் நர்சிங் காலேஜ்ல படிச்ச அஞ்சு பொண்ணுங்களை கற்பழிச்சதா செய்தி வந்தத விடவா பெரிய விஷயம் இது? அந்த மேட்டர் என்ன ஆச்சுனே தெரியலை. போங்க தம்பி போங்க.. போய் புள்ள குட்டிகள படிக்க வையுங்க..

மீண்டும் "A Wednesday"

வேலை விஷயமாக டெல்லியில் இருப்பதால் டிவி பார்க்கும் நேரம் அதிகமாகி விட்டது. கடந்த சனியன்று சன் டிவியில் "பழனி" . பத்து நிமிடத்திற்கு மேல் பார்க்க முடியவில்லை. வாந்தி வரும் போல் இருந்தது. சரி என்று ஹிந்தி சேனல்கள் பக்கம் திரும்பினேன். எதோ லோக்கல் கேபிள் டிவியில் "A Wednesday" ஓடிக்கொண்டு இருந்தது.

ஒரு படத்தை இரண்டு முறை பார்ப்பதெல்லாம் இன்றைய சூழ்நிலையில் பெரிய விஷயம். ஆனால், இரண்டாம் முறை பார்த்த போதும் படம் அலுக்கவில்லை. பார்த்துக்கொண்டே இருக்கும் போது மனதில் கமல் இந்த காட்சியை எப்படி எடுக்க போகிறார், இந்த வசனம் தமிழில் எப்படி இருக்கும், இந்த பாதிப்பு இருக்குமா தமிழில் என்று கேள்விகள் எழுந்த வண்ணம் இருந்தன.

குறிப்பாக கிளைமாக்ஸ். நசுரிதீன் ஷா அவர்கள் ஒரு சாதாரண மனிதன் தீவிரவாதத்தை எதிர்க்க முயற்சி எடுத்தால் என்னவாகும் என்று அனுபம் கேரிடம் வசனத்தில் பொரிந்து தள்ளுவார்.ஹிந்தி சுமாராக புரிந்தால் கூட கண்ணீர் வரவழைக்கும் காட்சி இது. இதை தமிழுக்கு ஏற்றபடி கமல் எப்படி எழுதியிருப்பார் என்று தோன்றியது. ஏனென்றால், தமிழகம் மும்பை/டெல்லி அளவுக்கு தீவிரவாதத்தால் பாதிக்கப்பட்ட ஊர் இல்லை. அதனால், தீவிரவாதத்தின் தீவிரம் புரியுமா என்றும் தெரியவில்லை. தமிழ்நாடு "உன்னை போல் ஒருவனை" அணைக்குமா அல்லது ஒதுக்கித்தள்ளுமா? என் மனம் இன்னொரு "அன்பே சிவம்" என்று தான் சொல்கிறது. பொறுத்திருந்து பார்ப்போம்.