தமிழ்நாட்டின் பாவப்பட்ட நடிகர்

இன்று தேர்தல் - ஒரு செய்தி

கமல் ஹாசன் பெயர் வாக்காளர் பட்டியலில் இல்லை, எனவே அவர் வாக்களிக்க முடியாமல் சென்றார். இது பற்றி அவர் தேர்தல் அதிகாரிகளிடம் புகார் செய்தார்.

தமிழகத்தின் இதனை சமூக வாழ்வோடு பொருத்தி பார்த்தால் கமல் என்ற நடிகர் தமிழகம் என்ற மாநிலத்தில் எவ்வளவு அன்னியப்பட்டு இருக்கின்றார் என்று தெரிய வரும்.

பொதுவாக Film crazy என்று அறியப்படும் தமிழ்நாட்டில்தான்,இந்திய அளவில் ஏன் உலக அளவிலும் நடிகர்களுக்கு மிகப்பெரிய மதிப்பும் மரியாதையும் அவர்களை கடவுள்களாக கொண்டாடப்படும் நிலையும் இருக்கிறது. அவர்களுக்கு எந்த கூட்டத்திலும் மரியாதை அளிக்கபடுகின்றது , அவர்கள் அரசியலில் மிகப்பெரிய சக்திகளாக மதிக்கபடுகின்றனர், அவர்கள் கையில் ஆட்சியே கொடுக்கபடுகின்றது.

எம்.ஜி.ஆர் சிவாஜி காலத்திற்கு பின்பு வந்த பெரும்பாலான நடிகர்கள் (பெரும்பாலும் கதாநாயகர்கள் ) அரசியல்வாதிகளாகவும் , அரசியல்
தொடர்பு இருப்பவர்களாகவும் இருக்கின்றனர்.

-விஜயகாந்த் , சரத்குமார், கார்த்திக் போன்றவர்கள் நேரடி அரசியலில் இருக்கின்றனர்.
-ரஜினி அரசியலுக்கு வருவேன் , மாட்டேன் என்று சொல்லிக்கொண்டு இருக்கின்றார் மேலும் அவர் ஒரு அரசியல் சக்தியாகவும் பார்க்கபடுகின்றார்.
-சத்யராஜ் ஈழப்பிரச்சினையிலும் மற்ற தமிழக பிரச்சினைகளிலும் தன்னை ஒரு தமிழனாக காண்பிக்க தவறுவதில்லை, மேலும் அவர் சீமான் , பாரதிராஜா போன்ற குழுக்களில் தன்னை இணைத்துக்கொண்டும் உள்ளார்.
-பிரபு , கூட தன் அரசியலில் நுழைவேன் என்று பேட்டி கொடுத்துள்ளார்.

இப்போது கமலை பார்ப்போம், தான் 'எந்த காலத்திலும் அரசியலில் நுழைய மாட்டேன்' என்று தீர்மானமாக சொன்னவர் , அதை செயலிலும் காட்டுபவர்.

இவ்வாறு நேர்மையாக சொன்னதன் பலன்தான் அவர் பெயர் வாக்காளர் பட்டியலில் இல்லாமல் இருப்பது, அதாவது தமிழ்நாட்டில் முக்கிய பிரமுகர் அரசியலில் நேரடியாகவோ அல்லது மறைமுகமாகவோ இல்லாமல் இருப்பது எவ்வளவு ஆபத்து என்பதையே இன்று நடந்த சம்பவம்
காட்டுகின்றது, இன்று வாக்காளர் பட்டியலில் பெயர் இல்லாமல் இருக்கலாம் நாளை அவர் வாங்கிய சொத்து அவர் பெயரில் இல்லாமல் இருக்கும்.ஏன், அவர் படமே அவர் பெயரில் இல்லாமல் கூட இருக்கும்.

இதுவே மற்ற நடிகருக்கு ஆகி இருந்தால் அவரது ரசிகர் மன்றத்தினர் சாலை மறியலில் ஈடுபட்டு இருப்பார் , ஒரு ரகளை நடந்து இருக்கும் , இப்போது கமல் "தேர்தல் அதிகாரியிடம் புகார் தந்து இருக்கிறார், அந்த அதிகாரியும் எதுவும் செய்ய முடியாது என்று சொல்லி இருக்கிறார்"

கமல் கமலுக்கு அவரது ரசிகர்கள் சொல்லவேண்டும்நான் "அரசியல் பின்புலம் கொஞ்சம் வைத்துக்கொள்ளுங்கள் இல்லை என்றால் ஓட்டளிக்ககூட வர வேண்டாம். வந்து அவமானப்பட வேண்டாம் , எத்தனையோ விஷயங்களில் middle class மதிப்பீடுகளை மீறி இருக்கிறீர்கள் , ஒட்டு போடும் விஷயத்திலும் மீறினால் தவறே இல்லை. "

காங்கிரசுக்கு வாக்களிக்க வேண்டும்-2

மூன்றாம் அணியில் யார் யார் இருப்பது...

அண்ணா தி.மு.க,தெலுகு தேசம்,சி.பி.எம்,பகுஜன் சமாஜ், தெலிங்கானா ராஷ்ட்ர சமிதி,தேவே கவுடாவின் ஜனதா தளம் ,பாட்டாளி மக்கள் கட்சி, மற்றும் சில கட்சிகள்.

இதில் மாயாவதியும் ஜெயலலிதாவும் மட்டுமே அதிக இடங்களை வெல்லக்கூடிய சாத்தியங்களை வைத்துக்கொண்டு இருக்கின்றனர் .

இப்போதுள்ள நிலையில் இந்த கூட்டணி ஆட்சி அமைப்பதற்கான சாத்தியக்கூறு மிகவும் குறைவு ஏன் என்றால் போதுமான இடங்கள் வந்தாலும் இந்த கூட்டணியின் ஒற்றுமை குறித்து நாம் யோசிக்க வேண்டும், முக்கியமாக "ஜெயலலிதா X மாயாவதி " இதற்கிடையில் தேவே கௌடா....எனவே அப்படியே ஆட்சி அமைத்தாலும் அதற்கான ஆயுள் மிகவும் குறைவு.

தேவே கௌடா ஆதரவில் ஆட்சி அமைக்கும்படி இருந்தால் என்ன என்ன செய்வார் என்பதை சில மாதங்களுக்கு முன்பு கர்நாடகாவில் செய்து காட்டினார்.

ஜெயலலிதா ஆதரவில் ஆட்சி அமைத்தால் அவர் என்ன என்ன செய்வார் என்பதை 1998 பா.ஜ.க ஆட்சியில் இருந்தபோது செய்து காட்டினார்.

நாம் பத்து வருடங்களுக்கு முன்னாள் தேவே கௌடா பிரதம மந்திரி பதவிக்கு வந்த போது எவ்வளவு நிலையான ஆட்சி அமைந்தது என்றும் பார்த்தோம்.

வரப்போகும் நம்பர் கேமில் சி.பி.எம் மற்றும் சி.பி.எம்-(ம) போன்றோர் காங்கிரசை ஆதரிப்பதற்கு சாத்தியம் இருக்கின்றன என்பதை அவர்கள் இப்போதே சொல்லி இருக்கின்றார்கள்.மீண்டும் ஒரு குதிரை பேரத்தில் காங்கிரஸ் அல்லது பி.ஜே.பி ஆட்சி அமைக்க சாத்தியங்கள் பிரகாசமாக இருக்கின்றன.

எனவே மூன்றாம் அணியை பொறுத்தவரை ஆட்சியே அமைந்தாலும் அதற்கான ஆயுள் மிகவும் குறைவாகதான் இருக்கும்.

அடுத்து இருப்பது காங்கிரஸ் கூட்டணி....

-தொடரும்...

சாருவும் தேர்தலும்.

அன்புள்ள சாருவிற்கு,

49-O குறித்து உங்களின் எதிர்வினை மிகவும் மிகவும் தவறான நிலைப்பாடு.நீங்கள் உங்கள் பதிலில் அரசியல்வாதியை பற்றி கொலைகாரர்கள் , கொள்ளைகாரர்கள் , பயங்கரவாதிகள் என்றெல்லாம் குறிப்பிட்டு இருந்தீர்கள் , எதையும் யாரும் மறுக்க முடியாது, ஆனால் ஜனநாயகத்திற்கு மேலான ஒரு அமைப்பை உலகம் இன்னும் காணவில்லை.

ஒரு அமைப்பை (system) எதிர்ப்பவர் அதனினும் மேலான ஒரு அமைப்பை காட்டியே இப்போதுள்ள அமைப்பை எதிர்க்க வேண்டும், அது இல்லாமல் மிக விரக்தியான மன நிலையில் வோட்டு போடாமல் இருப்பது நீங்கள் சொன்ன அதே அரசியல்வாதிகளுக்கு துணை போவது போல் இல்லையா?

இதனை மற்றவர் யாரவது சொல்லலாம் ஆனால் எழுத்தாளராகிய நீங்கள் சொல்லக்கூடாது.

உங்களை போன்றவர் ஜனநாயகத்திற்கு மேல் நம்பிக்கை இழக்க கூடாது.இந்த சிஸ்டத்தை உள்ள கெட்டவைகளை களைவதை பற்றியே நீங்கள் எழுதவேண்டுமே (நீங்கள் மாயாவதியை பற்றி எழுதியதை போன்று..best among the worst) தவிர வோட்டு போட மாட்டேன் என்று கூறுவது மிகவும் தவறு.

நீங்கள் இருக்கும் மைலாப்பூர் தென்சென்னை தொகுதி.தென்சென்னை தொகுதியில் சரத்பாபு என்ற ஒருவர் இந்த நாடளுமன்ற தேர்தலில் சுயேட்சையாக நிற்கிறார் , இவர் யார் என்றால் IIM-இல் MBA படித்துவிட்டு மிகப்பெரிய MNC வேலைகளை விட்டுவிட்டு சொந்தமாக உணவு தயாரித்து விநியோகிக்கும் தொழிலை செய்கிறார், அதனை வெற்றிகரமாகவும் செய்கிறார், இவர் மிகவும் ஏழ்மையான குடும்ப சூழ்நிலையில் இருந்து வாழ்ந்து வந்தவர்.தென்சென்னை தொகுதியில் நிற்கும்

சரத்பாபு பற்றி மேலும் அறிய,
http://idlyvadai.blogspot.com/2009/04/2009_15.html
http://sarathbabu.co.in/in/

எனக்கு தெரிந்து இவர் ஒருவர், தெரியாமல் எத்தனையோ பேர் ராமர் பாலத்தின் அணிலை போல செயல்பட்டுக்கொண்டுதான் இருக்கின்றனர்.

இவர் எந்த நம்பிக்கையில் தேர்தலில் நிற்கிறார்? நம்மை போன்றவர்களை நம்பித்தான். இந்த நேரத்தில் இவர் தேர்தலில்

ஜெயிப்பார் என சொல்வது ஒரு joke ஆனால் நம்பிக்கை இழக்காமல் இவரை இவரை போன்றவர்களை ஆதரிக்க வேண்டும், இன்று, இல்லாவிட்டால் நாளை இல்லை மற்றொரு நாள் விடிந்தே தீரும், ஆனால் அதற்கு நாம் எல்லோரும் வோட்டு போட வேண்டும்.

நீங்கள் ஒரு நக்சலைடாக இருக்க கூடாது, என் என்றால், என்னை பொறுத்தவரை தனி மனித உரிமைகள்தான் எல்லாவற்றிலும் முக்கியமானது , கம்யுனிசத்தில் அதற்கான உத்தரவாதம் மிகவும் குறைவு, நீங்கள் சொல்லும் நக்சல்பாரிகள் ஆட்சி செய்தால் charuonline-இல் நீங்கள் எழுதுவதை கூட எழுத முடியுமா என்பதே சந்தேகம்தான்.

ஆகையால் 49-O பற்றி ஆதரித்தோ எதிர்த்தோ எழுதுங்கள் தயவு செய்து ignore செய்துவிடாதீர்கள். அதே போல் அதை விட மேலான ஒரு tool இருந்தால் அதனை பற்றி எழுதுங்கள், இதனால் மாற்றம் வந்துவிடுமா என்பதை பற்றியெல்லாம் நினைக்காமல் எழுதுங்கள்.ஏன் என்றால் எந்த நிலையிலும் நம்பிக்கையை கைவிடக்கூடாது, போராட்டத்தை கைவிட கூடாது.

இந்தியாவில் உள்ள Human Rights activist-கள், RTI-activits-கள் எந்த நம்பிக்கையில் உள்ளனரோ , அதே நம்பிக்கையில் நாமும் இருப்போம்.

49-O

ஞானியின் ஒ பக்கங்களை பல பேர் அறிவார்கள். பார்லிமென்ட் தேர்தல் அருகில் வர ஞானி 'யாருக்கும் ஓட்டு போட விருப்பமில்லை' எனத்தெரிவிக்கும் '49-O' என்ற option-ஐ பயன்படுத்துங்கள் என்று கூறுகிறார்.

ஆனால் இதனை பயன்படுத்தினால் என்ன ஆகும் , என்ன நன்மை கிடைக்கும் என்று தெரியவில்லை. அரசியல்வாதிகளுக்கு ஒரு செய்தி தெரியலாம் அதாவது இத்தனை பேர் நம்மீது நம்பிக்கை இல்லாமல் இருக்கிறார்கள் என்று , அது அவர்களுக்கு நன்றாகாவே தெரியும் இப்போது கூட.

எனவே 49-O என்பது எதிர்ப்பை காண்பிக்கும் சரியான வழி அல்ல. நமது ஓட்டுக்கள் எல்லாம் செல்லாத ஒட்டுக்களாகும் கதி தவிர வேறு எந்த உபயோகமும் இல்லை, அதன் மூலம் மாற்றம் கொண்டு வர முடியவே முடியாது.

மேலும், ஞானி எழுதுவது அச்சு ஊடகத்தில் (printing media), நமக்கே தெரியும் ஓட்டுப்போடும் பெரும்பான்மையான மக்கள் வாசிப்பவர்கள் அல்ல என்று, எனவே அவர்களுக்கு இந்த 49-O கொஞ்சம் ஓவர்.

எனவே இப்போது தேவை,

1. படித்தவர் எல்லோரும் ஓட்டுப்போட வேண்டும்.
2. இருப்பதிலேயே நல்லவர்களாக பார்த்து ஓட்டுப்போட வேண்டும்.

இரண்டுமே முக்கியம். முதல் விஷயமே பாதி பிரச்சினைகளை தீர்த்து விடும் இரண்டாவது விஷயம் பற்றி யோசிக்கும்போது நமக்கு பல கேள்விகள் வரலாம் 'யார் அந்த 'இருப்பதிலேயே' நல்லவர் என்று.

ஒருவர் தன் மகளையோ மகனையோ கல்லூரியில் சேர்ப்பதற்கு எத்தனை பேரை விசாரிக்கிறார்கள், ஒரு வேலை வாங்குவதற்கு எத்தனை பேரிடம் கேட்கிறார்கள், ஒரு வீடு கட்டுவதற்கு, வீட்டை ரிப்பேர் செய்வதற்கு, ஒரு செல் போன் வாங்குவதற்கு, வெளியூரில் தங்குவதற்கு, என பல தகவல் பரிமாற்றம் நடந்துக்கொண்டுதான் இருக்கின்றது, எனவே நம் தொகுதியில் இருக்கும் இருப்பதிலேயே நல்லவர் (அவர் சுயேட்சையாக இருந்தாலும்) எவர் என விசாரித்து , பத்திரிக்கைகளை படித்து, போஸ்டர்களை பார்த்து , தொலைக்காட்சியை பார்த்து தெரிந்து அவருக்கு ஓட்டுப்போட வேண்டும்.

அந்த நல்ல வேட்பாளர் ஜெயிக்க வேண்டும் என்பதில்லை ஒரு நல்ல சுயேச்சை வேட்பாளர் ஒரு பார்லிமென்ட் தொகுதியில் 25,000 வோட்டுகள் வாங்கட்டும் (அதே தொகுதியில் வெற்றிபெற்றவர் 3 லட்சம் வோட்டுக்கள் வாங்கினால்!), இதே போல் முதலில் படித்தவர் அதிகம் கொண்ட தொகுதிகளிலாவது சுயேச்சை வேட்பாளர் குறிப்பிடத்தகுந்த வோட்டுக்களை வாங்கட்டும், அப்போது தெரியும் மாற்றம், அரசியல்வாதிகளுக்கு இந்த 25,000 வோட்டுகள் முக்கியம் அதனை பெற அவர்கள் என்ன வேண்டுமானாலும் செய்வார்கள், இதனை பயன்படுத்தி மேலும் பல நல்ல வேட்பாளர்கள் காலத்தில் குதிக்க வேண்டும், இப்போதுள்ள பா.மா.க மாதிரி அணி மாறியாவது இந்த 'நல்ல வேட்பாளர்கள்' பதிவிகளை கைப்பற்ற வேண்டும்.

இதுவே மற்றம் பெற ஒரே வழி.